Արտաշատն ու Աբովյանը քաղաքապետ են ընտրում

Այսօր ՀՀ  32 համայնքներում  տեղական ինքնակառավարման մարմինների ընտրություններ են անցկացվում:

 Տավուշի, Սյունիքի, Լոռու, Շիրակի, Գեղարքունիքի, Արագածոտնի, Արմավիրի, Արարատի 32 համայնքներից 20-ում ընտրվելու են համայնքի ղեկավարներ, 12-ում՝ ավագանու անդամներ, իսկ երկուսում` Աբովյան եւ Արտաշատ քաղաքներում  կլինեն և՛ համայնքի ղեկավարի, և՛ ավագանու անդամի ընտրություններ:

Աբովյան քաղաքում առաջադրվել են Ծառուկյանի օգնական Վահագն Գեւորգյանը, ում սատարում է ՀՀԿ-ն, Էդվին Թադեւոսյանը (Ծառուկյանի ազգական), Սամվել Հակոբյանը ( Ծառուկյանի կնոջ ազգական),  «Քինգ դելյուքսի» սեփականատեր Արթուր Գեղամի Հարությունյանը` «Պալաչը» եւ եւս  մեկ Արթուր Գեղամի Հարությունյանմ ինչպես նաեւ  անկուսակցական, Աբովյանի նախկին քաղաքապետ Կարապետ Իսրայելյանը:

Արտաշատ քաղաքում քաղաքապետի միակ  թեկնածու՝ Հովիկ Աբրահամյանի որդի Արգամ Աբրահամյանն է։