Ընդդիմադիր գործիչը հրապարակել է Էրդողանի կեղծ դիպլոմի լուսանկարը

Թուրքիայում«Ազգայնական շարժում» կուսակցության կողմից պատգամավորի թեկնածու առաջադրված Յուսուֆ Հալաչօղլուն հիշեցրել է, որ Թուրքիայի նախագահ Ռեջեփ Թայիփ Էրդողանի դիպլոմը կեղծ է:

YENİÇAĞ պարբերականի հետ զրույցում Հալաչօղլուն, հիշեցնելով, որ Էրդողանի դիպլոմը կեղծ է, նշել է, թե Թուրքիայի նախագահ դառնալու համար անհրաժեշտ է 4-ամյա բարձրագույն կրթություն, իսկ այն ուսումնական հաստատությունը, որտեղ սովորել է Էրդողանը, այդ տարիներին եղել է եռամյա:

Հալաչօղլուն այդ փաստաթուղթը տեղադրել է սոցցանցի իր էջում և գրել. «Էրդողանը համալսարանն ավարտել է 1981 թվականին, իսկ համալսարանը հիմնադրվել է 1982 թվականին»:

Հալաչօղլուն ուշադրության է հրավիրել Էրդողանի դիպլոմում մի շարք ստորագրությունների բացակայությանը: