Հայոց ցեղասպանությունը երբեք չի մոռացվի. Թուրքիայում ընդդիմադիր պատգամավոր

Թուրքիայում քրդական Ժողովուրդների դեմոկրատական կուսակցության` Տիգրանակերտից պատգամավոր Ալթան Թանն իր ելույթում դարձյալ շեշտել է, որ 1915 թվականին հայերի դեմ կատարվածը ցեղասպանություն էր:

Ըստ Aktifhaber-ի՝  մամուլի ասուլիսի ժամանակ Թանը դատապարտել է Թուրքիայում խորհրդարանական ընտրություններին ընդառաջ քրդական կուսակցության դեմ շարունակական հարձակումները:

Լրագրողներից մեկի՝ 1864-ի մայիսի 21-ին չերքեզների կոտորածի վերաբերյալ հարցին ի պատասխան, Թանն ասել է. «Այս տարածաշրջանում մեծ ողբերգություններ են տեղի ունեցել։  Օրինակ՝ ապրիլի 24-ին խոսեցինք  Հայոց ցեղասպանության մասին։  Հայոց ցեղասպանությունը երբեք չի մոռացվի, ինչպես նաև չեն մոռացվի Կովկասում և Բալկաններում տեղի ունեցած կոտորածները»: