Պիկասոյի թոռնուհին վաճառում է նկարչի առանձնատունը` տխուր հուշերից ազատվելու համար

Պաբլո Պիկասոյի թոռնուհին որոշում է կայացրել վաճառել պապի առանձնատունը Կաննում եւ 126 կերամիկական աշխատանքները` դրանց հետ կապված տխուր հուշերի պատճառով:

64-ամյա Մարինա Պիկասոն  կարծում է , որ  այդպես նա կկարողանա  «տխուր պատմության էջը փակել», գրում է The Telegraph-ը:

Մարինա Պիկասոն հիշել է, թե ինչպես աղքատացած հայրը` իր ձեռքը բռնած, բազմիցս եկել է այս  առանձնատան դարպասների մոտ` անտարբեր պապիկից փող խնդրելու:  «Այս տան հետ ոչ մի հաճելի հուշ չկա կապված: Հիմա ես հասկանում եմ, որ պապիկս տարված էր գեղանկարչությամբ, իր համար ամենակարեւոր գործով: Բայց երբ դու երեխա ես, դա դժվար է բացատրել»,- պատմել է Պիկասոյի ժառանգը:

Նշվում է, որ առանձնատան համար Մարինա Պիկասոյին արդեն առաջարկել են 172.7 մլն դոլար: