«Եթե առաջիկա երեք տարիներին Թուրքիան չընդունի Հայոց ցեղասպանությունը՝ կքանդվի»

Այսօր գրող-հրապարակախոս Մերուժան Տեր-Գուլանյանը լրագրողների հետ հանդիպման ընթացքում ամփոփեց Հայոց ցեղասպանության 100-րդ տարելիցի միջոցառումները: Նրա կարծիքով` միջոցառումները կազմակերպված էին բարձր մակարդակով, և մեր դիվանագիտությունը պատշաճ մակարդակով ներկայացավ:

Տեր-Գուլանյանը նշեց` այս տարի առաջին անգամ է զգացել այն, որ ապրիլի 24-ը սգո օր չէ:

«Այն այս տարի ավելի շատ հաղթանակի օր էր: Երբևէ այսքան հավաքական մեր ազգը չէր եղել: 1980 թվականից սկսած` այսպիսի համախմբածություն չէր առաջացել: Խորին շնոորհակալություն եմ հայտնում Հռոմի պապին, Քիմ Քարդաշյանին և Սերժ Թանկյանին»,- նշեց նա եւ հավելեց. «Երկրի նախագահից, համակարգողներից սկսած` ամեն ինչ մշակված էր դետալներով: Որևէ մեկի ոտքը չտրորվեց այս ընթացքում, ամեն ինչ շատ լավ ընթացավ»:

Մերուժան Տեր-Գուլանյանը մի հետաքրքիր կանխատեսում արեց: Նա նշեց, որ եթե առաջիկա երեք տարիների ընթացքում Թուրքիան չընդունի Հայոց ցեղասպանությունը` կքանդվի: