Թուրքիան չի մոռանալու այս զրպարտությունը. Թուրքիայի ԱԳՆ-ն՝ Ավստրիայի ընդունած բանաձևի մասին

Թուրքիայի ԱԳ նախարարությունը դատապարտել է Ավստրիայի խորհրդարանի կողմից ընդունված՝ Հայոց ցեղասպանությունը դատապարտող բանաձևը:

ԱԳ նախարարության հայտարարության մեջ ասվում է. «Ավստրիայի խորհրդարանը, իրավական և պատմական ճշմարտություններին հակադրվելով, թուրք ժողովրդի վրա հանցանք բարդելու իրավունք և գործառույթ չունի: Լավ իմացեք, որ Թուրքիան և թուրք ժողովուրդն իրենց պատմության դեմ զրպարտությունը չեն մոռանալու»:

ԱԳՆ-ն, պնդելով, թե Առաջին համաշխարհային պատերազմի ժամանակ բոլորը նույն պայմաններում են կռվել, և տեղի ունեցած «մեծ ողբերգությունը» որպես «ցեղասպանություն» բնութագրելը սխալ է, ասել է. «Բոլոր քրիստոնյա խմբերի ցավերը կիսելով՝ այդ ժամանակ զոհված մուսուլմաններին որևէ կերպ չանդրադառնալը ցույց է տալիս կրոնական հիմքով դրված խտրականությունը»: