Պուտինի՝ Հայաստան այցը չի կարող վնասել որևէ բանի. Պեսկով

Հայոց ցեղասպանությանը 100-ամյա տարելիցին նվիրված միջոցառումներին մասնակցելու համար ՌԴ նախագահ Վլադիմիր Պուտինի` Հայաստան կատարելիք այցը չի կարող ազդել Թուրքիայի և Ռուսաստանի հարաբերությունների և  «Թուրքական հոսք» գազատարի շինարարության վրա: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը՝ պատասխանելով լրագրողների հարցին:

«Տվյալ դեպքում այդ միջոցառումները չեն կարող որակվել որպես ինչ-որ բանի վնասող»,- ասել է նա:

Ըստ Պեսկովի` Ռուսաստանը  բավական սերտ գործընկերական հարաբերություններ ունի Թուրքիայի հետ, որոնք փոխշահավետ տնտեսական համագործակցության ամուր հիմք ունեն: Նա նշել է, որ, միաժամանակ, Ռուսաստանը կապված է Հայաստանի հետ անհամար թելերով։