«Միլիարդավոր հետեւորդներ ունեցող եկեղեցու առաջնորդի խոսքերը չեն կարող ուժեղ ազդեցություն չունենալ». Սերժ Սարգսյան

«Միլիարդավոր հետեւորդներ ունեցող եկեղեցու առաջնորդի խոսքերը չեն կարող ուժեղ ազդեցություն չունենալ»,- Associated Press գործակալությանը տված հարցազրույցում ասել է ՀՀ նախագահ Սերժ Սարգսյանը՝ անդրադառնալով Հռոմի պապի կողմից Վատիկանում Ցեղասպանության 100-ամյա տարելիցին նվիրված պատարագին:

Սերժ Սարգսյանն իր երախտագիտություն է հայտնել Հռոմի պապին «իրերն իրենց անուններով կոչելու համար»:

Իսկ Իտալիայի հանրային հեռուստաընկերությանը տված հարցազրույցում ՀՀ նախագահը հայտարարել է, որ չճանաչված ցեղասպանությունը վտանգավոր է մարդկության ապագայի համար:

«Այնպիսի առաջնորդներ, ինչպիսին է Ֆրանցիսկոս պապը, որոնք ճանաչում են արժեքներն ու բարոյականությունն աշխարհաքաղաքական շահերից վեր են դասում, կարող են առանց ցեղասպանությունների աշխարհ ստեղծել»,- ընդգծել է Սարգսյանը: