ՀՀ 6000-ից ավելի քաղաքացի դիմել է նախարարություն` ՌԴ մուտքի արգելանքը վերանայելու խնդրանքով

Այսօր ՀՀ տարածքային կառավարման փոխնախարար Վաչե Տերտերյանը, պատասխանելով լրագրողների այն հարցին, թե որքան մարդ է դիմել նախարարություն` ՌԴ-ում վարչական իրավախախտումների մասով պատիժ չկրելու և ՌԴ մուտքի արգելանքը վերանայելու խնդրանքով, պատասխանեց, որ իրենց դիմել է 6000-ից ավելի քաղաքացի:

«Ստացել ենք շուրջ 3000 դիմումի պատասխան ՌԴ-ից, որոնցից 850-ը՝ դրական: Վերջին 1.5 ամսվա ընթացքում դրական որոշումների թիվն ավելի մեծ է, քան նախորդ ամիսներին է եղել: Դրական արձագանքների քանակն էականորեն ավելացել է, բայց խնդիրը մնում է: Եթե կա վարչական իրավախախտում, ՌԴ օրենքներն են, եւ այդ օրենքներին մենք պիտի հարմարվենք»,- ասաց փոխնախարարը:

Հարցին՝ Նարիշկինի հետ քննարկվե՞լ են միգրացիայի հետ կապված հարցերը, Վաչե Տերտերյանը չպատասխանեց՝ ասելով, որ մանրամասներին տեղյակ չէ: