Թրամփը հավաքել է ավելի քան 250 միլիոն դոլար՝ ընտրությունների արդյունքները վերանայելու համար

ԱՄՆ նախկին նախագահ Դոնալդ Թրամփը 255,4 միլիոն դոլար է հավաքել նախագահական ընտրությունների արդյունքները վերանայելու փորձերի ժամանակ. հայտնում է Forbes-ը՝ վկայակոչելով Դաշնային ընտրական հանձնաժողովի տվյալները:

Այս տվյալները ներառում են նվիրատվություններ, որոնք արվել են Հանրապետականի պլատֆորմի միջոցով և չեն ներառում մուտքեր այլ ուղիներով:

Ըստ լրատվամիջոցի՝ ընտրությունների օրվանից մինչ դեկտեմբերի 14-ը, երբ ընտրական կոլեգիան հաստատեց Ջո Բայդենի հաղթանակը, Թրամփը օրական հավաքում էր 2 միլիոն դոլար: Ընտրիչների քվեարկությունից հետո նվիրատվությունների քանակը նվազել էր, բայց գրանցվել էր նոր ալիք Կոնգրեսում՝ հանրապետականների կողմից վերանայման պնդումների ֆոնին: