Ստամբուլում ազատել են պատանդ վերցված դատախազին. զինյալները սպանվել են

Ստամբուլում ավարտվել են պատանդ վերցված դատախազին ազատելու ՝ հատուկ ծառայությունների գործողությունները: Ինչպես ավելի վաղ տեղեկացրել էինք, Գեզի այգու իրադարձությունների ժամանակ ոստիկանների կողմից սպանված 14-ամյա Բերքին Էլվանի սպանության գործով դատախազն իր աշխատասենյակում պատանդ էր վերցրել «Հեղափոխական ժողովրդական փրկության կուսակցության ճակատի» զինյալներից մեկը։

Դատախազության շենքում հնչած կրակոցներին հետեւել է հուժկու պայթյուն: Այնուհետեւ Թուրքիայի իրավապահները տեղեկացրել են, որ 3 զինյալները սպանված են, իսկ դատախազ Սելիմ Քիրազը` վիրավորված. տեղեկացնում է Cumhuriyet պարբերականը:

Ավելի վաղ Թուրքիայի վարչապետ Ահմեդ Դավութօղլուն արգելք էր դրել դեպքերի մասին լրատվամիջոցներում տեղեկատվություն տարածելու վրա:

Դատախազին պատանդ վերցրած զինյալները պահանջում էին պատժել 14-ամյա Բերքին Էլվանի սպանության մեջ մեղավոր ոստիկաններին: