Երեկ զոհված զինծառայողը Մխչյանից էր. երկու ամսից պետք է զորացրվեր

Երեկ երեկոյան ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված գնդակից մահացու հրազենային վիրավորում ստացած զինծառայող Հովսեփ Անդրեասյանը Արարատի մարզի Մխչյան գյուղից էր:

Yerkr.am-ի հետ զրույցում գյուղապետ Պողոսյանը հայտնեց, որ տղան երկու ամսից պետք է զորացրվեր: Հովսեփն ունի իրենից մեծ եղբայր եւ երկու քույր:

«Նորմալ ընտանիքի զավակ էր: Սոցիալական վիճակը միջինից էլ ցածր է: Մայրը գյուղական աշխատանքով է զբաղվում, հայրը՝ արտագնա աշխատանքով: Հիմա գյուղում է, նախատեսում էր, որ պետք է Ռուսաստան գնա»,- ասաց գյուղապետը:

Տղայի մարմինը դեռ գյուղ չեն բերել: