Հեյդար Ալիևն է հայ ժողովրդի թիվ մեկ չարիքը. ԲՀԿ-ական

ԲՀԿ-ական պատգամավորներ Վահան Բաբայանը և Միքայել Մելքումյանը այսօր ԱԺ-ում ճեպազրույցի ընթացքում անդրադարձան ԲՀԿ-ն լքող իրենց գործընկերներին:

«Այս պահի դրությամբ արտահոսք չկա»,- ասաց Վահան Բաբայանը:

Իսկ Միքայել Մելքումյանը նշեց, որ իրենք խորհրդարանում ծավալելու են ընդդիմադիր գործունեություն, ակտիվ են լինելու օրենսդիր դաշտում:

Հարցին, թե, ի վերջո, ո՞վ է Հայաստանի թիվ մեկ չարիքը, Վահան Բաբայանը պատասխանեց. «Հեյդար Ալիևն է հայ ժողովրդի թիվ մեկ չարիքը»:

Միքայել Մելքումյանը նշեց նաև, որ ԲՀԿ-ն սրված քաղաքական պայքարի ժամանակ էլ հայտարարել է, որ իրենք անձի շուրջ չեն ծավալվում, ավելի շատ գաղափարն է իրենց համար կարևոր: