Բուլղարիայում այգին «Հայեր» անվանելուն դեմ արտահայտված թուրք հյուպատոսը ստացել է իր արժանի պատասխանը

Բուլղարիայում այգին «Հայեր» անվանելուն դեմ արտահայտված թուրք հյուպատոսն արժանի պատասխան է ստացել:

Բուլղարիայի Հասկովո քաղաքի զբոսայգին «Հայեր» անվանելու որոշմանը Թուրքիան դեմ է հանդես եկել. տեղեկացնում է Haber888-ը:

Այդ հարցով Պլովդիվում Թուրքիայի գլխավոր հյուպատոս Ալփեր Աքթաշը Թուրքիայի սահմանից 80 կմ հեռու գտնվող Հասկովո քաղաքի քաղաքապետ Գեորգի Իվանովի հետ է հանդիպել և պնդել, որ անհապաղ հետ կանգնեն այդ որոշումից:

Քաղաքապետը, սակայն, «Trud» պարբերականի հետ զրույցում նշել է, որ Հասկովոյում շատ հայեր կան, և «անվանափոխություն իրականացնելու համար ուրիշ պետությունների թույլտվության կարիք չունեն»: 

Հասկովոյի քաղաքային խորհուրդը հայտնել է, որ հայերից ստացած առաջարկը մտադիր են ուրբաթ քննարկել։