Սերժ Սարգսյանից հրավեր ստանալու դեպքում ՀԱԿ-ը կքննարկի այն

Երեկ նախագահ Սերժ Սարգսյանը վեց քաղաքական ուժերի հետ հանդիպումներ է ունեցել և նրանց հետ քննարկել սահմանադրական բարեփոխումների հարցը: Հայ ազգային կոնգրեսը հրավիրյալների շարքում չէր:

Yerkir.am-ը ԱԺ ՀԱԿ խմբակցության պատգամավոր Գագիկ Ջհանգիրյանից փորձեց պարզել՝ եթե նախագահի կողմից լինի հրավեր՝ քննարկելու սահմանադրական բարեփոխումների հարցը, ՀԱԿ-ը կընդունի՞ այն:

«Այս պահի դրությամբ մենք չունենք հրավեր, բայց գուշակություններով չենք էլ զբաղվում, մնացածն արդեն քննարկելու հարց է»,- նշեց Ջհանգիրյանը:

Մեր հարցին, թե իրենց դիրքորոշումը սահմանադրական բարեփոխումների վերաբերյալ շարունակո՞ւմ է նույնը մնալ, պատասխանեց. «Մենք մեր դիրքորոշումը վաղօրոք հայտնել ենք: Ի՞նչ է, որ կրկնում ենք դիրքորոշումը, ամրապնդվո՞ւմ է այն: Կարող եք ծանոթանալ ՀԱԿ-ի հայտարարությանը` սահմանադրական բարեփոխումների հետ կապված»:

Ուշագրավ է, որ նա այդպես էլ չկրկնեց, որ դեմ են սահմանադրական բարեփոխումներին: