Հալեպը դարձյալ ցնցվել է հզոր պայթյունից

Այսօր առավոտյան ժամերին Հալեպում շաբաթվա ընթացքում երկրորդ հզոր պայթյունն է տեղի ունեցել:

Ինչպես տեղեկացնում է «Բերիոյ լուրեր»-ը, ահաբեկչական խմբավորումների կողմից իրականացված պայթյունը տեղի է ունեցել Հալեպի պատմական բերդի մոտակայքում գտնվող «Աբդըլ Համիդ ալ Զահրաուի» վարժարանի կողքին, որի հետևանքով ֆիզիկական և նյութական ծանր վնասներ են գրանցվել:

Կայքը նշում է, որ պայթյունը եղել է երկրաշարժի ուժգնությամբ, որի հետևանքով ցնցվել է ամբողջ քաղաքը, ընդ որում՝ հայահոծ թաղամասեր:

Պայթյունին հաջորդել են զինված ահաբեկչական խմբավորումների և սիրիական բանակի միջև երկարատև բախումները: Սիրիական բանակը կասեցրել է զինյալների թափանցումը կառավարամետ շրջաններ: Բախումները շարունակվել են ողջ գիշեր` մինչև առավոտյան ժամերը, Համիդիե, Ղասթել, Հարամի և այլ շրջաններում: Տասնյակ զինյալներ են ոչնչացվել: