Աճել է ԵՏՄ անդամ երկրներից ավտոմեքենաների ներկրումը Հայաստան. «Հայկական ժամանակ»

«Հայկական ժամանակ» թերթը գրում է. «Պաշտոնական վիճակագրության համաձայն, այս տարվա առաջին 2 ամիսներին Ռուսաստանում վաճառված ավտոմեքենաների թիվն ավելի քան 38 տոկոսով նվազել է անցած տարվա նույն ժամանակահատվածի համեմատ: Ընդ որում խոսքը ոչ միայն ռուսական արտադրության մեքենաների մասին է, այլ՝ ընդանուր առմամբ: Հիմա մեկ այլ տեղեկատվություն կրկին ավտոմեքենաների մասին:

«Պայմանավորված Հայաստանի՝ ԵՏՄ անդամակցությամբ, 2015-ի հունվարից արձանագրվել է ԵՏՄ անդամ երկրներից ատվոմեքենաների Հայաստան ներկրման աճ, ինչը պայմանավորված է այն հանգամանքով, որ այդ երկրներից ավտոտրանսպորտային միջոցների ներմուծման դեպքում մաքսատուրքեր չեն կիրառվում»: Ի՞նչ է սա նշանակում: Սա նշանակում է, որ ռուսական «ավտոպրոմը», ի դեմս, հայաստանի նոր շուկ ա է հայտնաբերել: 2,5-3 մլն բնակչություն ունեցող Հայաստանը ավելացնում է ռուսական մեքենաների վաճառքը, իսկ Ռուսաստանում այդ ցուցանիշը նվազում է: Ահա թե ինչ էր լինելու Հայաստանի ԵՏՄ անդամ դառնալու արդյունքում եւ հիմա կարող ենք դա կատարված փաստ համարել: Ավտոմեքենաների ներկրման պատկերը առաջին ձնծաղիկներն են՝ «Լադա Կալինա» «Մերսեդեսների» փոխարեն»:

Մանրամասները՝ թերթի այսօրվա համարում: