Ֆինանսների նախարարությունը խուսափում է խոսել Ծառուկյանին պատկանող բիզնեսներում ստուգումների մասին

Yerkir.am-ը փետրվարի 16-ին գրավոր հարցում էր ուղարկել ֆինանսների նախարարություն` պարզելու համար, թե ի՞նչ փուլում է վարչապետ Հովիկ Աբրահամյանի հանձնարարականով Գագիկ Ծառուկյանին պատկանող բիզնեսները ստուգելու գործընթացը: Ֆինանսների նախարության մամուլի ծառայությունից խոստացել էին արձագանքել մեր հարցմանը, սակայն մինչև այս պահը մեր խմբագրությունը որևէ պատասխան չի ստացել: 

Գագիկ Խաչատրյանի ղեկավարած կառույցից մեզ հայտնեցին, որ այս պահին որևէ նորություն չկա:

Տեղեկացնենք, որ մենք հարցումն ուղարկել էինք նախքան Գագիկ Ծառուկյան-Սերժ Սարգսյանը հանդիպումը: Հիշեցնենք, որ այդ հանդիպումից հետո իշխող կուսակցությունը դադարեցրեց հրապարակային քննադատությունը` ուղղված ԲՀԿ ղեկավար Գագիկ Ծառուկյանին: Իսկ ավելի վաղ ՀՀԿ նիստում Հերմինե Նաղդալյանը տեղեկացրել էր, որ ուսումնասիրությունները շարունակվում են, և հանրությունը կտեղեկացվի արդյունքների վերաբերյալ: