Հալեպում իրավիճակը լարված է. կան զոհեր և վիրավորներ

Վերջին օրերին Սիրիայի բանակը Հալեպում զինվորական ծանր գործողություններ է կատարում՝ զինյալ ահաբեկչական խմբավորումներին վերահսկողության տակ վերցնելու համար. տեղեկացնում է «Բերիոյ լուրեր»-ը:

Սիրիական բանակը նկատելի առաջխաղացում է արձանագրել հյուսիսային և արևմտյան արվարձաններում:

Երեկ՝ փետրվարի 17-ին, զինյալ ահաբեկչական խմբավորումների թիրախ է դարձել հիմնականում քրիստոնյա և հայաբնակ Ազիզիեն ու դրա հարակից շրջանները:

Հրթիռակոծվել է նաև քաղաքի կենտրոնում գտնվող Բըսթան Քըլափ շրջանը, որտեղ գտվում են հայերի պատկանող վաճառատներ:

Մոկամբո, Թշրին թաղամասերը ևս հրթիռակոծվել են: Արձանագրվել է 8 զոհ և 36 վիրավոր:

Պայթյունները նյութական ծանր վնասներ են պատճառել շրջանի ավտոմեքենաներին, բնակարաններին և խանութներին: Նշվում է նաև դրանց հետևանքով առաջացած վախի, սարսափի մթնոլորտի և հոգեկան խանգարումների մասին:

Երկուշաբթի օրը Հալեպի Սըրյան ալ Ատիմ շրջանում ընկած հրթիռների պատճառով ևս արձանագրվել են բազմաթիվ զոհեր և վիրավորներ: