«Ալաշկերտ»-ը նվազագույն հաշվով պարտություն կրեց

Անթալիայում անցկացվող ուսումնամարզական հավաքի շրջանակներում  «Ալաշկերտ»-ը 2-րդ ստուգողական հանդիպումն անցկացրեց:

Ինչպես հաղորդում է երևանյան ակումբի պաշտոնական կայքը,   վերջին պահին փոխվել է  թիմի մրցակիցը, և նախապես պլանավորված ռուսական  «Ռուբին Կազան 2»-ի փոխարեն ալաշկերտցիներն ուժերը չափել են Ավստրիայի «Արևելք» Ռեգիոնալ լիգայի առաջատարներից մեկի՝ Պարնդորֆ քաղաքի համանուն թիմի հետ:

Հանդիպման ելքը վճռել է խաղավերջում իրացված 11 մետրանոց հարվածը, որը նվազագույն հաշվով հաղթանակ է պարգևել ավստրիական «Պարնդորֆին»:

Փետրվարի 12-ին «Ալաշկերտ»-ը կվերադառնա Երևան և 4 օր հետո կրկին կմեկնի Անթալիա՝ 10-օրյա ուսումնամարզական հավաքի: