Ֆուտբոլի չճանաչված պետությունների աշխարհի գավաթ. Արցախի հավաքականը պարտություն կրեց

Շվեդիայում շարունակվում է չճանաչված երկրների ֆուտբոլի աշխարհի գավաթի խաղարկությունը: Արցախի հավաքականն այսօր 2-րդ հանդիպումն անցկացրեց` մրցելով Նիցայի տարածաշրջանը ներկայացնող հանրապետության հետ: Մեր հավաքականի մեկնարկային կազմն այսպիսին էր. Ստեփան Ղազարյան, Արարատ Առաքելյան, Նորայր Գրիգորյան, Նորայր Սահակյան, Գեւորգ Պողոսյան, Արմեն Պետրոսյան, Արամ Բարեղամյան, Տիգրան Դավթյան, Դավիդ Գրիգորյան, Անդրանիկ Բարիկյան, Գեւորգ Նռանյան:

Մրցակիցները 8-րդ րոպեին բացեցին հաշիվը: Ավելացված ժամանակում Նիցայի ֆուտբոլիստները ստացան 11 մետրանոց հարվածի իրավունք, սակայն ֆուտբոլիստի հարվածը բարձր ստացվեց

Ավելացնենք, որ Անդրանիկ Բարիկյանը խաղավերջում վեճի բռնվեց մրցավարի հետ՝ հարվածելով նրան, ինչի արդյունքում արժանացավ կարմիր քարտի: