Լավ ենք անում՝ քաղաքականացնում ենք. Արամ Մանուկյան

Այսօր` կառավարության շենքի առջև բողոքի ակցիայի ժամանակ, ԱԺ ՀԱԿ խմբակցության պատգամավոր Արամ Մանուկյանը, լրագրողների հետ զրույցում խոսելով ԲՀԿ-ական Արտակ Խաչատրյանին ծեծի ենթարկելու մասին, ասաց, որ այդ և նմանօրինակ միջադեպերն ակնհայտ կրում են քաղաքական բնույթ, որ դրանք իշխանությունների ձեռագիրն են, և որ իշխանությունները չեն խորշում դրանից:  «Ձեզանից որևէ մեկը այլ վերսիա լսե՞լ է, այլ վերսիա ուղղակի գոյություն ունենալ չի կարող»,- ասաց նա:

Դիտարկմանը, թե այս միջադեպը քաղաքականացվում է ԲՀԿ-ի կողմից, Արամ Մանուկյանը զայրացած արձագանքեց. «Դուք կարծում եք` սա քաղաքականացվել է հանիրավի՞: Բողոքի ակցիա են կազմակերպել, շատ լավ են արել, մենք էլ գտել ենք ճիշտ, որ գանք, մասնակցենք: Լավ ենք անում` քաղաքականացնում ենք: Պետք է քաղաքականացնենք, ավելի շատ ենք քաղաքականացնելու և ավելի կոնկրետ մեթոդներով»: