«Հայ ժողովուրդն առանց դրա էլ սգում է, ինչի՞ եք դատարկ ձևականությունների հետևից ընկել»

Երեկ Գյումրիում փոքրիկ Սերյոժայի հոգեհանստյան արարողությանից հետո Yerkir.am-ի թղթակիցը Շիրակի թեմի առաջնորդ Միքայել եպիսկոպոս Աջապահյանից հետաքրքրվեց, թե արդյո՞ք սգո օր հայտարարելը ճիշտ է:

«Էական չէ, բնավ, էական չէ, սգացողն առանց սգի օր հայտարարելու էլ է սգում, չսգացողը սուգ հայտարարելուց էլ չի սգում: Հայ ժողովուրդն առանց դրա էլ սգում է, ի՞նչ եք ուզում, ինչի՞ եք դատարկ ձևականությունների հետևից ընկել»,- ասաց սրբազանը:

Լրագրողի հարցին` այսինքն` ձևականությո՞ւն է սգո օր հայտարարելը, նա պատասխանեց. «Ձևականություն կարող է լինել, եթե ես չեմ ուզում սգալ: Ինչքան ուզում ես սգո օր հայտարարի, բայց եթե ես ուզում եմ սգալ, դու ինչքան ուզում ես` սգո օր մի հայտարարի: Բառերից մի' կառչեք»: