Կառավարության սկանդալային աշխատակիցն ազատվել է աշխատանքից

Yerkir.am-ը մոտ մեկ ամիս առաջ «Երկու ընտանիք փողոցում կմնա. պնդում են, որ պատճառը կառավարության աշխատակիցն է» վերտառությամբ հոդված էր հրապարակել: Տեղեկացրել էինք Սիրանույշ Չփլախյանի եւ կառավարության աշխատակից Նունե Պլուզյանի միջեւ ստեղծված խնդրի մասին:

Սիրանուշ Չփլախյանը պնդում էր, որ կառավարության աշխատակիցը զբաղվում է վաշխառությամբ եւ 25 հազար դոլար պարտքի պատճառով ցանկանում է իր ձեռքից վերցնել սեփական տունը՝ հողամասով:

Yerkir.am-ին հայտնի է դարձել, որ Պլուզյանն ազատվել է աշխատանքից: Մեր թղթակիցը ՀՀ վարչապետի մամուլի քարտուղար Գոհար Պողոսյանից փորձեց պարզել, թե ինչո՞ւ է աշխատանքից ազատվել Պլուզյանը: «Նունե Պլուզյանը աշխատանքից ազատվել է հաստիքի կրճատման պատճառով, ինչը կառավարության աշխատակազմի տարբեր ստորաբաժանումներում պարբերաբար տեղի է ունենում»,-ասաց նա: