Թուրքիայում հոլանդացի լրագրող է ձերբակալվել

Թուրքիայում ձերբակալվել է Տիգրանակերտում բնակվող հոլանդացի հայտնի լրագրող Ֆրեդերիկ Գերդինքը, ով հայտնի է քրդական հարցի շուրջ հրապարակած իր ծավալուն աշխատանքներով:

Ըստ «Ակօս»-ի` հոլանդացի լրագրողն այսօր ձերբակալել է ահաբեկչության դեմ պայքարի թիմի կողմից `ահաբեկչական քարոզչություն իրականացնելու մեղադրանքով:

Հոլանդիայի ԱԳ նախարարն այդ մասին հայտարարությամբ է հանդես եկել և ասել, որ հունվարի 5-7-ը Թուրքիա կատարելիք այցի շրջանակներում լրագրողի ձերբակալության մասին անձամբ զրուցելու է երկրի ԱԳ նախարար Մևլութ Չավուշօղլուի հետ:

Նշենք, որ հոլանդացի լրագրողը 2006 թվականից ի վեր աշխատում է Թուրքիայում և 2012-ից ապրում Տիգրանակերտում: