Ռյա Թազա գյուղում մեքենաներ են արգելափակվել

Հունվարի 6-ին, ժամը 08.46-ին ահազանգ է ստացվել, որ Արագածոտնի մարզի Ռյա Թազա գյուղում 3 ավտոմեքենա արգելափակվել են ձյան մեջ. անհրաժեշտ է օգնություն: Այս մասին տեղեկանում ենք ԱԻՆ-ից:

Դեպքի վայր է մեկնել մեկ մարտական հաշվարկ: Պարզվել է, որ Մ-3 միջպետական ավտոճանապարհի Ալյագյազ – Ապարան հատվածի 4-րդ կմ-ում՝ Ռյա Թազա գյուղի մոտակայքում, բախվել են «Վոլքսվագեն Վենտո» մակնիշի 22 LL 453 (վարորդ` Ե. Բ.), «Վոլքսվագեն Գոլֆ» մակնիշի 34 VG 389 (վարորդ` Է. Մ.) և «Վոլքսվագեն Պասսատ» մակնիշի 24 PL 689 պետհամարանիշներով (վարորդ Ս. Գ.) ավտոմեքենաները: Տուժածներ չկան:

Հրշեջ-փրկարարները վարորդներին և ուղևորներին (11 հոգի) ամենագնաց ավտոմեքենայում (կունգ) ցուցաբերել են համապատասխան օգնություն: