Երևանում կալանավորին տեղափոխող «Վիլիս»-ը շրջվել է. 3 մարդ տեղափոխվել է հիվանդանոց

Այսօր՝ դեկտեմբերի 26-ին, խոշոր ավտովթար է տեղի ունեցել Երևանում. գրում է shamshyan.com-ը:

«Ժամը 13:30-ի սահմաններում Մազմանյան և Շիրակ փողոցների խաչմերուկում բախվել են Suzuki մակնիշի 11 ՕՍ 794 համարանիշի և Уаз մակնիշի 018 ՈՍ 06 համարանիշի ավտոմեքենաները: Ինչպես վթարի վայրից հայտնում է ֆոտոլրագրող Գագիկ Շամշյանը, բախման հետևանքով Уаз-ը կողաշրջվել է, իսկ 3 հոգի մարմնական վնասվածքներով տեղափոխվել են «Արմենիա» բժշկական կենտրոն:

Վիրավորներին առաջինը օգնության են հասել քաղաքացիները, ովքեր էլ օգնել են դուրս բերել նրանց ավտոմեքենաներից: Ֆոտոլրագրողը հայտնում է, որ կողաշրջված Վիլիսը հաշվառված է ոստիկանության հաշվեկշռում, որով կալանավորի էին տեղափոխում: Կալանավորին ոստիկաններն օպերատիվորեն տեղափոխել են համապատասխան վայր»,- տեղեկացնում է կայքը: 

Մանրամասն՝ սկզբնաղբյուրում: