«Գազպրոմ Արմենիա»-ն հունվարի 1-ից գազը թանկացնում է 15 դրամով

Բոլոր ավտովարորդների համար իսկական ամանորյա աչքալուսանք է պատրաստել  «Գազպրոմ Արմենիա» ընկերությունը: Yerkir.am-ի հավաստի աղբյուրների համաձայն` «Գազպրոմ Արմենիա»-ն թանկացրել է գազալցակայաններին վաճառվող գազը: Եթե նոյեմբերին գազի գինը եղել է 113 դրամ, ապա 2015թ. հունվարի 1-ից «Գազպրոմ Արմենինա»-ն գազալցակայաններին գազը վաճառելու է 128 դրամով, ինչը նշանակում է, որ «Գազպրոմը» գազալցակայանների համար գազը թանկացրել է 15 դրամով:

Հետաքրքիր է, որ գազալցակայաններում այս տարվա վերջին ավտոգազը արդեն հասցրեց թանկանալ, ինչը պատճառաբանվում էր դոլարի թանկացմամբ: Այս պարագայում հետաքրքիր է ` ինչ քայլի կդիմեն գազալցակայանները հունվարի 1-ից` համապատասխանաբար կբարձրացնե՞ն ավտոգազի գինը, թե՞ կշարունակեն աշխատել հին գներով: