Օբամայի հայտարարությունից հետո անջատվել է Հյուսիսային Կորեայի ինտերնետը

Հյուսիսային Կորեայում ինտերնետը մի քանի ժամ անջատված մնալուց հետո վերականգնվել է. տեղեկացնում է Washingtonpost-ը:

Հյուսիսային Կորեայի ինտերնետն անջատվել էր այն բանից հետո, երբ ԱՄՆ-ը Փհենյանին մեղադրել էր «Սոնի» ընկերության դեմ հաքերային հարձակում իրականացնելու մեջ: «Սոնի»-ի վրա հարձակման հետևանքով բացահայտվել էին ընկերության բազմաթիվ նախագծեր: Հարձակման պատճառը «Հարցազրույց» կատակերգական ֆիլմն էր, որում ներկայացված է Կիմ Չեն Ընի սպանությունը:

ԱՄՆ Ազգային անվտանգության ծառայության խոսնակ Բերնադետ Միհանը «Բլումբերգ»-ին հայտնել է, որ իրենք տեղեկություն չունեն Հյուսիսային Կորեայում ինտերնետի խնդիրների մասին: