Լեւոն Զուրաբյանը չգիտի, թե երբ հանրահավաք կլինի

Մարդու իրավունքների պաշտպանության օրվան նվիրված երթն ավարտվեց:

Ամփոփելով այն` ԱԺ ՀԱԿ խմբակցության ղեկավար Լեւոն Զուրաբյանը նշեց, որ հաջորդ անգամ էլ ժողովուրդը «զինվորի նման պետք է գա հրապարակ»:

Իսկ թե ե՞րբ է լինելու հաջորդ հավաքը, չնայած մարդկանց շարունակական հարցադրումներին, պատասխան չտրվեց: Արդեն լրագրողների հետ զրույցում Զուրաբյանը խոստովանեց, որ այդ հարցի պատասխանը չունի, բայցեւ ասաց, որ չի ցանկանում ամփոփել քաղաքական տարին:

Լրագրողի դիտարկմանը, թե սպասում են, որ փետրվարին Սերժ Սարգսյանը սահմանադրական փոփոխությունների վերաբերյալ իր կարծի՞քը կասի, Զուրաբյանը հակադարձեց. «Մենք չենք սպասում, մենք գործ ենք անում»: Բայց թե ի՞նչ «գործ» են անում, անգամ չիմանալով` հաջորդ հանրահավաք լինելու է, թե` ոչ, Զուրաբյանը չբացատրեց: