Հայոց ցեղասպանությունը ճանաչելու մասին օրինագիծ է ներկայացվել Թուրքիայի խորհրդարան

Թուրքիայում քրդամետ Ժողովուրդների դեմոկրատական կուսակցությունից կին պատգամավոր Սեբահաթ Թունջելը Օսմանյան կայսրությունում տեղի ունեցած կոտորածները ճանաչելու եւ ներողություն խնդրելու օրինագիծ է ներկայացրել երկրի խորհրդարանին:

Ըստ Milliyet-ի՝ օրինագծում Թունջելին նշել է, որ Թուրքիայի նախագահ Ռեջեփ Թայիփ Էրդողանը պետության կողմից խորհրդարանում պետք է պաշտոնապես ներողություն խնդրի:

Օրինագծի հաստատման դեպքում Թուրքիան ճանաչելու է Հայոց ցեղասպանությունն ու ապրիլի 24-ը նշվելու է որպես սգո օր, ինչպես նաև տրվելու է նյութական և բարոյական փոխհատուցում:

«Պաշտոնապես ներողություն խնդրելուց հետո մեկ տարվա ընթացքում պետք է հատուկ հանձնաժողով ստեղծել խորհրդարանում և, այդ թեմայի հետ կապված, պետության բոլոր արխիվները բացել»,- նշվում է օրինագծում։

Օրինագծում պատգամավորը հիշատակել է նաև Դերսիմի, Մարաշի, Սվասի և Չորումի քրդական կոտորածները: