Դատական հայց՝ Օբամայի դեմ

ԱՄՆ Կոնգրեսի Ներկայացուցիչների պալատը, որում մեծամասնություն են հանրապետականները, հայց է ներկայացրել Դաշնային դատարան երկրի նախագահ Բարաք Օբամայի դեմ։ Այդ մասին հայտնել է պահպանողականների փաստաբան Ջոնաթան Տուրլեյը. հայտնում է ТАСС-ը:

Դատական հայցը հնարավոր է դարձել շնորհիվ ամերիկացի օրենսդիրների կողմից՝ հուլիսի վերջին ընդունված բանաձևի:

Հայցի համաձայն՝ առողջապահության ոլորտում բարեփոխումներ անցկացնելու  հրամաններով Օբաման խախտել է երկրի Սահմանադրությունը։  Բացի այդ, ըստ նրանց, ԱՄՆ նախագահը փոփոխություններ է մտցրել առողջապահական բարեփոխումներում՝ չարաշահելով իր լիազորությունները:

ԱՄՆ-ում օրենսդրական լիազորությունները պատկանում են Սենատին և Ներկայացուցիչների պալատին, օրենքների կատարման համար պատասխանատու են նախագահը և կառավարությունը։