Համանախագահները հորդորում են թույլ տալ մոտենալ խոցված ուղղաթիռին

ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ջեյմս Ուորլիքը (ԱՄՆ) և Պիեռ Էնդրյուն (Ֆրանսիա) մտահոգություն են հայտնել այն կապակցությամբ, որ Ադրբեջանի զինված ուժերի կողմից նոյեմբերի 12-ին խոցված ղարաբաղյան ռազմական ուղղաթիռին դեռևս հնարավոր չի եղել մոտենալ. հայտնում է BBC Russian-ը:

Համանախագահները «կողմերին» կոչ են արել դադարեցնել կրակն աղետի վայրի մոտակայքում:  ԵԱՀԿ-ն նշում է, որ ուղղաթիռի բեկորներն ընկած են չեզոք գոտու ականապատ տարածքում:

Համանախագահները նաև վերահաստատել են նոյեմբերի 12-ի իրենց հայտարարությունը՝ կողմերին հիշեցնելով Սոչիում, Նյուպորտում և Փարիզում ստանձնած պարտավորվածությունների մասին:

Ամենաուշագրավն այն է, որ ԵԱՀԿ-ն կոչ է անում  նաև Երևանին` թույլ տալ մոտենալ ուղղաթիռին, այն դեպքում, երբ ՀՀ-ն անգամ Կարմիր խաչին է դիմել նույն խնդրանքով...