Ունքը սարքելու տեղը աչքը չհանենք. հակահայ միության նախագահի կոչը՝ Դավութօղլուին

Թուրքիայում Հայոց ցեղասպանության ճանաչման դեմ պայքարի ASİMDER միության նախագահ Գյոքսել Գյուլբեյն արձագանքել է թուրքահայ լրագրող Էթիեն Մահչուփյանի՝ վարչապետ Դավութօղլուի գլխավոր խորհրդական նշանակվելուն`հերթական անգամ հանդես գալով հակահայ հայտարարություններով:

Ըստ Haberler-ի՝ շեշտելով, որ Մահչուփյանն իր հոդվածներում Թուրքիայի ժողովրդին բազմիցս կոչ է արել ճանաչել Հայոց ցեղասպանությունը, Գյոքսելն ասել է. ««Ակօս» կոչված թերթում լրագրությամբ զբաղված, ծագումով հայ Էթիեն Մահչուփյանին Դավութօղլուի գլխավոր խորհրդականի պաշտոնին հասցնելը ցավալի է և մտահոգիչ: «Հայկական պնդումների» 100-ամյա տարելիցին ընդառաջ հայկական ծագումով մեկին նման կարևոր պաշտոն տալը, որքան էլ քաղաքական կարևոր քայլ դիտարկվի, հայկական լոբբիին դրանով ավելի հզոր է դարձնելու: Նման նշանակումը մեզ և ԱՍԱԼԱ-ի կողմից սպանված մեր դիմանագետների ընտանիքներին խիստ ցավ է պատճառել: Մենք կոչ ենք անում հարգելի վարչապետին՝ ունքը սարքելու տեղը աչքը չհանել»: