Բելգիայի` 127 կգ կշռող` առողջապահության նոր նախարարը դժգոհություն է առաջացրել (լուսանկարներ)

Բելգիայի առողջապահության նորանշանակ նախարարը` 127 կգ կշռող` 52-ամյա Մագի դե Բլոքը քաղաքական գործիչների շրջանակում դժգոհություն է առաջացրել:

Ըստ Dailymail-ի՝  «նախարարը լավ օրինակ չի կարող ծառայել ժողովրդին իր գերության պատճառով»:

Դժգոհությունների առաջին ալիքն սկսվել է VRT հետուստաալիքի լրագրողի՝ այդ մասին Twitter-յան էջում իր դժգոհությունը հայտնելուց հետո:

Սակայն Բլոքը հայտնել է, որ լուրջ չի ընդունում իր հասցեին հնչեցված դժգոհությունները: «Ես հասկանում եմ, որ մոդել չեմ: Մարդիկ պետք է սովորեն նայել ոչ թե արտաքինին, այլ ներքինին»,- ասել է նա:

Նշենք, որ Բլոքը նախկինում եղել է Բելգիայի միգրացիայի հարցերով նախարարը: