Առաջին տիկինը միացել է Հայոց ցեղասպանության ճանաչմանն ուղղված շարժմանը (լուսանկարներ)

ՀՀ առաջին տիկին Ռիտա Սարգսյանը միացել է Հայոց ցեղասպանության ճանաչմանն ուղղված նոր շարժմանը. տեղեկացնում է «2015rtag Recognize The Armenian Genocide» ֆեսյբուքյան էջը:

Հայոց ցեղասպանության ճանաչման շարժմանն են միացել նաև ՀՀ Սփյուռքի նախարար Հրանուշ Հակոբյանը, Պոլսում հրատարակվող «Ակօս» թերթի խմբագիր Հրանտ Դինքի փաստաբան Ֆեթհիե Չեթինը և այք:

Շարժմանն առաջին միացողներից է Ֆրանսիայի խորհրդարանի անդամ Վալերի Բուայեն, ով Ֆրանսիայի խորհրդարանում ներկայացրեց Հայոց ցեղասպանության ժխտումը քրեականացնող օրինագիծը:

Նշենք, որ այս շարժման նպատակն է համաշխարհային մասշտաբով ճանաչելի դարձնել Հայոց ցեղասպանությունը: Դրան մասնակցում են տարբեր երկրներից և տարբեր ազգությունների անձինք, ովքեր լուսանկարվում են «#2015RTAG. Recognize The Armenian Genocide» գրությունով և այն տեղադրում համացանցում: