Ուկրաինան կարող է պահպանել ամբողջականությունը՝ միայն հարգելով քաղաքացիներին. Պուտին

Ուկրաինան կարող է պահպանել իր տարածքային ամբողջականությունն ու միասնականությունը՝ միայն երկրի բոլոր քաղաքացիների իրավունքներն ապահովելով: Այդ մասին  հայտարարել է ՌԴ նախագահ Վլադիմիր Պուտինը «Ռուսաստանը կանչում է» ներդրումային ֆորումի ժամանակ. հայտնում է  РИА Новости-ն։

«Մենք ելնում ենք այն բանից, որ բոլոր մարդիկ, ովքեր ապրում են Ուկրաինայի ցանկացած անկյունում, պետք է օգտվեն իրենց բոլոր  իրավունքներից, որոնք նախատեսված են միջազգային իրավունքի նորմերով, ուկրաինական օրենսդրությամբ, ոչ ոք չի ենթարկվի խտրականության՝ լեզվային, էթնիկ կամ կրոնական սկզբունքով»,- ասել է Պուտինը։

Նա նշել է, որ միայն այդ դեպքում հնարավոր կլինի պահպանել երկրի տարածքային ամբողջականությունը: