«Եթե բոլորը»` Մոսկվայի միջազգային կինոփառատոնում

Սեպտեմբերի 25-29-ը Մոսկվայում տեղի կունենա «Ընկերների կինո» 4-րդ միջազգային կինոփառատոնը:

Այս տարի կինոփառատոնը նվիրված է ԱՊՀ և Բալթյան երկրների վերջին տարիների կինեմատոգրաֆիայի հաջողություններին: Կինոփառատոնի շրջանակներում կցուցադրվեն այն ֆիլմերը /խաղարկային, վավերագրական և անիմացիոն/, որոնք վերջին տարիներին մեծ հաղթանակներ են գրանցել: Կինոփառատոնի շրջանակներում տեղի կունենան մասնակից երկրների կինոգործիչների հանդիպումներ` վավերագրական կինոյի ոլորտում փորձի փոխանակման, ինչպես նաև կինոարտադրության զարգացման միտումները քննարկելու համար:

Yerkir.am-ի տեղեկություններով` կինոփառատոնի շրջանակներում կցուցադրվի նաև Միքայել Պողոսյանի «Եթե բոլորը» ֆիլմը: Այն կցուցադրվի սեպտեմբերի 27-ին «Звездный» կինոթատրոնում: