Ռուսաստանը չի կարող պայմանավորվել կրակի դադարեցման մասին. Պեսկովը հերքում է

Արդեն հայտնել ենք, որ Ուկրաինայի նախագահ Պյոտր Պորոշենկոյի պաշտոնական կայքում տեղեկություն է հայտնվել, թե ՌԴ նախագահ Վլադիմիր Պուտինը և Ուկրաինայի նախագահ Պյոտր Պորոշենկոն  հեռախոսազրույցի ժամանակ կայացած բանակցությունների արդյունքում կրակի դադարեցման մասին պայմանավորվածություն են ձեռք բերել:

ՌԴ նախագահի մամուլի քարտուղար Դմիտրի Պեսկովը, սակայն, հերքել է տեղեկությունը՝ նշելով, որ նման պայմանավորվածություն ձեռք չի բերվել:

«Ռուսաստանը ֆիզիկապես չի կարող նման պայմանավորվածոթւյուն ձեռք բերել, քանի որ հակամարտության կողմ չէ: Պարզապես քննարկվել են խաղաղության հաստատմանն ուղղված քայլերը: Եվ երկու նախագահների տեսակետները որոշ հարցերում համընկել են»,- նշել է նա: