Օբաման ցանկանում է Գյուլին ՄԱԿ-ի գլխավոր քարտուղա՞ր դարձնել

Այսօր թուրքական լրատվամիջոցներում լուրեր են տարածվել, թե ԱՄՆ նախագահ Բարաք Օբաման ցանկանում է 2016 թվականին Թուրքիայի նախկին նախագահ Աբդուլլահ Գյուլին ՄԱԿ-ի գլխավոր քարտուղար դարձնել:

Ըստ Kanalahaber-ի՝ այդ մասին գրել է Takvim-ի լրագրող Էրգյուն Դիլերը և պնդել, որ Օբաման արդեն համոզել է Ռուսաստանին և Չինաստանին, սակայն ԱՄՆ պահպանողականները դեմ են Օբամայի այս նախաձեռնությանը:

Թուրք լրագրող վստահեցնում է, որ եթե Օբաման առաջադրի Գյուլի թեկնածությունը` որպես ՄԱԿ-ի գլխավոր քարտուղար, վերջինս անկասկած կընտրվի, ինչը շրջադարձային կլինի, քանի որ առաջին անգամ մուսուլմանը կդառնա ՄԱԿ-ի գլխավոր քարտուղար: