Վրաստանի խորհրդարանն Ուկրաինայի իրավիճակի վերաբերյալ բանաձև կընդունի

Վրաստանի խորհրդարանը սկսել է Ուկրաինայի իրավիճակի վերաբերյալ բանաձևի մշակման աշխատանքները, որը  կընդունվի աշնանային նստաշրջանում: Այդ մասին հայտարարել է եվրոպական և եվրատլանտյան ինտեգրման հարցերով խորհրդարանական հանձնաժողովի նախագահ Վիկտոր Դոլիձեն. հայտնում է Новости-Грузия-ն:

«Ես կարծում եմ՝ Ուկրաինայում տեղի ունեցող իրադարձությունները և Ռուսաստանի ռազմական միջամտությունը, ռուսական տանկերը, ռուսական զորքերը նշանակում են, որ այդ պայքարը մտել է վճռորոշ փուլ, և Ուկրաինային այսօր, ինչպես երբևէ, անհրաժեշտ է միջազգային հանրության հստակ, արդյունավետ և կոնկրետ աջակցությունը»,- հայտարարել է Դոլիձեն: