Լևոն Հայրապետյանի գործով նոր մեղադրյալ է ի հայտ եկել

 Հետաքննությունը վճռել է ռուսաստանյան «Բաշնեֆտ» նավթային ընկերության մասնավորեցման գործում որպես մեղադրյալ ներգրավել  ընկերության նախկին տնօրեն, Բաշկորտոստանի նախկին նախագահի որդի Ուրալ Ռահիմովին: Այդ մասին հայտնում է ИТАР-ТАСС-ը:

Ռահիմովը մեղադրվում է «Բաշնեֆտ»-ի մասնավորեցման ընթացքում անօրինական ճանապարհով ստացած դրամական միջոցների օրինականացման և վատնման մեջ:

Հիշեցնենք, որ հուլիսին Մոսկվայի Բասմաննի դատարանի որոշմամբ կալանքի տակ են առնվել ընկերության բաժնետոմսերը՝ հայազգի  գործարար  Լևոն Հայրապետյանի գործի շրջանակում: Ենթադրվում է, որ Հայրապետյանը մասնակցել է 2009-ի  ապրիլին Ուրալ Ռահիմովի կողմից «Բաշնեֆտ» -ի բաժնետոմսերի վաճառքին: