Ռուբեն Հայրապետյանի որդին ներգրավվել է որպես մեղադրյալ

Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանի որդուն որպես մեղադրյալ ներգրավելու որոշում է կայացվել:

Հայրապետյանի փաստաբան Ամրամ Մակինյանը հայտնել է, որ Ռաֆիկ Հայրապետյանին մայիսի 21-ին հրավիրել են հարցաքննության, սակայն, Հայրապետյանները չեն կարող ներկայանալ նախաքննական մարմին, քանի որ երկրում չեն: Փաստաբանը քննիչին հայտնել է, որ համավարակով պայմանավորված ավիափոխադրում չկա:

Մակինյանին հայտնի է, որ Հայրապետյանի որդու գործով տուժող ներգրավված անձը Սեւանի «Հարսնաքար» ռեստորանա-հյուրանոցային համալիրի նախկին տնօրենն է:

Ավելի վաղ`  դեռ մայիսի 17-ին,  Հայրապետյանների փաստաբանը ֆեյսբուքյան իր էջում գրել էր, թե Քննչական կոմիտեի  քննիչները ջանք չեն խնայում, որ հանցագործությունից տուժած Ռուբեն Հայրապետյանի որդի Ռաֆիկ Հայրապետյանը դառնա մեղադրյալ, իսկ իրական մեղադրյալը՝ տուժող: