Մոսկվան մտածում է նոր պատասխան պատժամիջոցների մասին

Մոսկվան լրացուցիչ միջոցներ է մշակում, եթե Արևմուտքը շարունակի պատժամիջոցներ սահմանել ՌԴ-ի նկատմամբ. հայտնում է РИА Новости-ն: Այդ մասին  ասել է ՌԴ նախագահի մամուլի քարտուղար Դմիտրի Պեսկովը:

« Մենք բազմիցս ասել ենք, որ Ռուսաստանը կողմնակից չէ պատժամիջոցների լեզվով խոսելուն, և Ռուսաստանը չէ դա նախաձեռնել: Սակայն, եթե մեր գործընկերները շարունակեն ոչ կառուցողական պրակտիկան, նման դեպքի համար մշակվում են լրացուցիչ միջոցներ»,- ասել է Պեսկովը:

Նախօրեին Ведомости, վկայակոչելով դաշնային պաշտոնյաների, հաղորդել էր, որ Մոսկվան կարող է արգելել նաև արդյունաբերական արտադրանքի ներկրումը: Խոսքն, ըստ թերթի,  ավտոմեքենաների, դեղորայքի և բուժսարքավորումների մասին է:

Նշենք, որ ավելի վաղ Մոսկվան արգելել է Արևմտյան երկրներից որոշ տեսակի սննդամթերքների ներկրումը: