«Արարատ»-ում փորձաշրջան են անցնում ֆրանսիացի ֆուտբոլիստներ

«Արարատը» Ձորաղբյուրի մարզաբազայում նախապատրաստվում է գալիք մրցաշրջանին: Ակումբի պաշտոնական կայքը հաղորդում է, որ թիմում փորձաշրջան են անցնում երկու ֆրանսիացի ֆուտբոլիստներ` կիսապաշտպան Զավեն Բուլուտը և հարձակվող Ռոբին դի Լաուրոն:

22-ամյա Բուլուտը հանդես է եկել ֆրանսիական «Սենտ Էթիեն» ակումբի երկրորդ թիմում, ինչպես նաև Ֆրանսիայի Մ-17 պատանեկան հավաքականի կազմում: 25-ամյա դի Լաուրոն հանդես է եկել ֆրանսիական «Լանս» ակումբի երկրորդ թիմում, ինչպես նաև տեղի «Պաու» և «Իստր» թիմերի կազմում: Երկու ֆուտբոլիստների վերջին ակումբն էր Մարսելի հայ համայնքի «Արծիվ»-ը:

Միևնույն ժամանակ, «Արարատ»-ը բանակցում է մի շարք արտասահմանցի ֆուտբոլիստների հետ`թիմի կազմը լրջորեն համալրելու համար:

Աղբյուրի հաղորդմամբ` մոտ օրերս հայտնի կդառնա «Արարատ»-ի նոր գլխավոր մարզչի անունը: Ներկայումս բանակցություններ են ընթանում արտասահմանցի երկու մասնագետների հետ: