Նախարարը մոլորեցրեց, Արծվիկ Մինասյանին դա դուր չեկավ

Այսօր Ազգային ժողովի արտահերթ նիստում, երբ քննարկվում էր կառավարության ներկայացրած` կուտակային կենսաթոշակային համակարգի մասին նոր օրենքի նախագիծը, աշխատանքի և սոցիալական հարցերի նախարար Արտեմ Ասատրյանն, ի պատասխան ՀՀԿ խմբակցության պատգամավոր Սամվել Ֆարմանյանի հարցի, թե կառավարությունն արդյոք քննարկե՞լ է քառյակի ու «Դեմ եմ» շարժման առաջարկություններն ու մտահոգությունները, տեղեկացրեց, որ` այո, բոլոր մտահոգությունները հաշվի են առնվել, և նրանց հետ քննարկումներ եղել են:

ՀՅԴ խմբակցության պատգամավոր Արծվիկ Մինասյանը տեղից արձագանքեց. «Մի' մոլորեցրեք, այդպես չէ»:

ԱԺ նախագահ Գալուստ Սահակյանը զարմացավ. «Այս ի՞նչ խոշոր ռեպլիկ էր»:

ԱԺ նիստի ավարտից հետո Արծվիկ Մինասյանը և Արտեմ Ասատրյանը երկար զրուցում էին` փորձելով ինչ-որ բան բացատրել միմյանց, կամ գուցե Արծվիկ Միանսյանը հորդորում էր նախարարին անկեղծ լինել: