Ոստիկանությունը հաստատեց, որ Լիսկայի եղբորորդին մարդ է ծեծել

Րոպեներ առաջ Yerkir.am-ը հրապարակել էր տեղեկություն այն մասին, որ Սյունիքի նախկին մարզպետ Սուրիկ Խաչատրյանի` Լիսկայի եղբորորդին` Էյներ Խաչատրյանը, ծեծի է ենթարկել երկու հոգու:

Ոստիկանության լրատվական բաժնից հաստատեցին մեր տեղեկությունները և հայտնեցին հետևյալը. «Ոստիկանության բաժին տեղեկություն է ստացվել, որ մայիսի 25-ին` ժամը 23-ին, Էյներ Խաչատրյանը ծեծի է ենթարկել Գ.Հ.-ին և Ա.Հ-ին»:

Ներկայումս միջադեպի հանգամանքերը պարզվում են, կատարվում է հետաքննություն:

Հիշեցնենք, որ Yerkir.am-ը գրել էր, որ Էներ Խաչատրյանը իր ընկերների հետ հարբած վիճակում մտել է Գորիսում Կուլակ անունով հայտնի մարդու տուն եւ դաժան ծեծի ենթարկել նրա որդիներին՝ Արթուրին եւ Գոռին:  Ըստ մեր աղբյուրի` Կուլակի մեծ որդուն՝ Արթուրին, ծեծել են երկաթե իրերով, Գոռին դանակի հարվածներ են հասցրել: