Կոնչիտան մասնակցե՞լ է Էրդողանի դեմ կայացած ցույցին (լուսանկարներ)

Թուրքիայի վարչապետ Ռեջեփ Թայիփ Էրդողանի` Գերմանիայի Քյոլն այցելության ժամանակ հարյուրավոր թուրքեր նրա դեմ բողոքի են դուրս եկել:

Ըստ Diken-ի՝ ցույցին մասնակցել է նաև Կոնչիտայի նմանակը, ով ցուցարարների հետ պաստառ է պարզել՝ «Հավասարություն», «Ազատություն մամուլին» և այլ գրություններով: Ուշագրավ է եղել նաև այն, որ նա բռնել է Թուրքիայի դրոշը:

Ցուցարարները Էրդողանին մեղադրել են բռնապետության, ինչպես նաև Սոմայի հանքում տեղի ունեցած աղետի պատճառով ցույցի դուրս եկածների դեմ բռնություն կիրառելու մեջ:

Ըստ տեղեկությունների՝ Էրդողանի անվտանգությունն ապահովելու համար Գերմանիայի կառավարությունը 200 հազար եվրո է ծախսել: