Ստոկհոլմում դաշնակցականների ցույցին մասնակցել են նաև ասորիներ (լուսանկարներ)

Երեկ զորակցական բազմամարդ ցույց է տեղի ունեցել Ստոկհոլմում՝ շվեդական խորհրդարանին կից տարածքում:

Շվեդահայությունն իր զորակցությունն է հայտնել վերջին օրերին Ադրբեջանի սանձազերձած աննախադեպ ագրեսիայի դեմ:

Yerkir.am-ի հետ զրույցում Շվեդիայում ՀՅԴ անդամ Սարգիս Դեկիրմենճյանը հայտնեց, որ Շվեդիայում ՀՅԴ կառույցի Հայկական Ընկերակցական միության համադրող մարմնի (Armeniska riksförbundet i Sverige) համատեղ ցույցը տեղի է ունեցել Ստոկհոլմի (Mynttorget) հրապարակում, այնեղել է հասարակության ուշադրության կենտրոնում:

Ցույցի նպատակն է եղել նեցուկ կանգնել Արցախի անվտանգությանը և հարգել Լեռնային Ղարաբաղի Հանրապետության ինքնորոշման իրավունքի սկզբունքը:

Դեկիրմենճյանի խոսքով՝ Շվեդիայում ՀՅԴ երիտասարդական միության «Գարեգին Նժդեհ» և «Նիկոլ Դուման» խմբերն իրենց աշխույժ և եռանդուն մասնակցությունն են ցուցաբերել ցույցին՝  պարզելով պահանջատիրական պաստառներ, Հայաստանի և Արցախի դրոշներ:

Ցույցին մասնակցել են նաև տասնյակ ասորիներ: