Հովիկ Աբրահամյանը չի կարողանում բացատրել` ի՞նչ է նշանակում պարտադիր, բայց ոչ պարտադրված

Այսօր ԱԺ նիստում ՀԱԿ պատգամավոր Նիկոլ Փաշինյանը հարց ուղղեց վարչապետին, թե ինչպե՞ս պետք է հասկանալ նրա «պարտադիր, բայց ոչ պարտադրված» արտահայտությունը, եթե, հայերենի բացատրական բառարանի համաձայն, պարտադիր նշանակում է հենց պարտադրված:

«Ստացվում է, որ վարչապետի ասածն իմաստ չի արտահայտում»,- ասաց Նիկոլ Փաշինյանը:

Հովիկ Աբրահամյանը արձագանքեց. «Լավ է, որ բառարանից եք օգտվում: Եթե ժամանակ գտնեմ, ես էլ կսկսեմ ընթերցել բառարաններ: Ես շատ հստակ եմ հայտնել իմ դիրքորոշումը: Ես հասկանում եմ` դա ձեր ձեռագիրն է, որ միշտ ուզում եք ինչ-որ թերություն գտնել, բայց կարևորը, որ դա ինձ չի հուսալքում, ինչքան ուզում եք խոսեք, ես իմ գործն եմ անում»: